Daily Current Affairs Telugu – 18 ఆగస్ట్ 2026 కరెంట్ అఫ్ఫైర్స్

01. భారత్ ఆధ్వర్యంలో BRICS యువత కార్యక్రమాలు

• భారత్ 2026 సంవత్సరానికి BRICS అధ్యక్ష బాధ్యతలను చేపట్టింది. “Building for Resilience, Innovation, Cooperation and Sustainability” అనే థీమ్‌తో, ప్రజాకేంద్రిత మరియు “మానవత్వమే మొదటి ప్రాధాన్యత” అనే దృక్పథంతో భారత్ తన BRICS అధ్యక్షతను కొనసాగిస్తోంది.
• BRICS వ్యవస్థలో యువత సహకారం కీలకమైన అంశంగా ఉంది. ఈ నేపథ్యంలో భారత ప్రభుత్వ యువజన వ్యవహారాల శాఖ, యువజన వ్యవహారాలు మరియు క్రీడల మంత్రిత్వ శాఖ ఆధ్వర్యంలో మూడు ముఖ్యమైన కార్యక్రమాలు నిర్వహించనున్నారు.

• BRICS Youth Council Meeting, BRICS Youth Summit: 19–20 ఆగస్టు 2026న గాంధీనగర్, గుజరాత్లో.
• BRICS Youth Ministers’ Meeting: 22 ఆగస్టు 2026న విశాఖపట్నం, ఆంధ్రప్రదేశ్లో.

‘యువ శక్తి’కి ప్రాధాన్యత

• భారత్ తన BRICS అధ్యక్షతలో **‘యువ శక్తి’ (Yuva Shakti)**ని యువతలోని సామూహిక శక్తి, ఆలోచనలు, సృజనాత్మకత, వ్యాపార దృక్పథానికి ప్రతీకగా గుర్తించింది. యువతను ఆవిష్కరణలు, పారిశ్రామికత మరియు సుస్థిర అభివృద్ధికి కీలక భాగస్వాములుగా భారత్ పరిగణిస్తోంది.

ఇప్పటివరకు జరిగిన ముఖ్య కార్యక్రమాలు

1. BRICS Youth Coordination Meeting – 25 మార్చి 2026

• వర్చువల్‌గా నిర్వహించిన ఈ సమావేశంలో BRICS Youth Calendar of Activitiesను ప్రారంభించి, భారత్ అధ్యక్షత కాలంలో యువత సహకారానికి రోడ్‌మ్యాప్‌ను రూపొందించారు.

2. Serve BRICS: Volunteering for a Better Tomorrow

• ఈ కార్యక్రమం ద్వారా BRICS దేశాల్లో స్వచ్ఛంద సేవను సామాజిక బాధ్యతకు సంబంధించిన ఉమ్మడి ప్రయత్నంగా ప్రోత్సహించారు. భారత్ 29 ఏప్రిల్ నుంచి 31 జూలై 2026 వరకు 10 లక్షల గంటల స్వచ్ఛంద సేవ లక్ష్యంగా పెట్టుకుంది. MY Bharat ప్లాట్‌ఫారమ్ ద్వారా దేశవ్యాప్తంగా యువతను ఈ కార్యక్రమంలో భాగస్వామ్యం చేశారు.

3. BRICS Youth Entrepreneurship Working Group Meeting – 20–21 మే 2026

• మధ్యప్రదేశ్‌లోని ఇండోర్లో జరిగిన ఈ సమావేశంలో BRICS దేశాలకు చెందిన యువ పారిశ్రామికవేత్తలు పాల్గొన్నారు. ఆవిష్కరణలు, స్టార్టప్‌లు మరియు పారిశ్రామిక సహకారాన్ని ప్రోత్సహించడం ప్రధాన లక్ష్యం.

4. BRICS Youth Thematic Session – 24 జూన్ 2026

• వర్చువల్‌గా నిర్వహించిన ఈ సమావేశంలో యువతకు సంబంధించిన నాలుగు ప్రధాన అంశాలపై చర్చించారు:

• విద్య, పారిశ్రామికత & భవిష్యత్‌కు సిద్ధత
• సమ్మిళిత అభివృద్ధి & యువత సంక్షేమం
• సుస్థిరత & పర్యావరణ బాధ్యత
• ప్రజల మధ్య సంబంధాలు & యువత భాగస్వామ్యం

BRICS Youth Council Meeting

• ఈ సమావేశంలో BRICS సభ్య దేశాల అధికారిక ప్రతినిధులు పాల్గొంటారు. BRICS Youth Joint Statement మరియు BRICS Youth Cooperation Frameworkపై ఏకాభిప్రాయం సాధించడం, భవిష్యత్‌లో యువత సహకారానికి సంబంధించిన ఉమ్మడి కార్యక్రమాలను గుర్తించడం ప్రధాన లక్ష్యాలు.

BRICS Youth Summit

• యువజన సదస్సులో BRICS సభ్య మరియు భాగస్వామ్య దేశాలకు చెందిన యువ నాయకులు, ఆవిష్కర్తలు, పారిశ్రామికవేత్తలు, స్వచ్ఛంద కార్యకర్తలు, సామాజిక మార్పు కోసం పనిచేసే యువత పాల్గొంటారు.
• థీమాటిక్ చర్చలు, ఇంటరాక్టివ్ సెషన్లు, నెట్‌వర్కింగ్ ద్వారా యువత తమ ఆలోచనలు, పరిష్కారాలను పంచుకునే అవకాశం పొందుతారు. వారు రూపొందించే సిఫార్సులను BRICS విస్తృత ప్రక్రియలో పరిశీలించనున్నారు.

BRICS Youth Ministers’ Meeting

• 22 ఆగస్టు 2026న విశాఖపట్నంలో జరిగే ఈ సమావేశంలో BRICS సభ్య దేశాల యువజన మంత్రులు, ప్రతినిధి బృందాల అధిపతులు పాల్గొంటారు.
• ఈ సమావేశంలో యువత అభివృద్ధికి సంబంధించిన ప్రాధాన్యతలను చర్చించడం, Youth Council Meeting మరియు Youth Summit ఫలితాలను సమీక్షించడం, అలాగే Joint Ministerial Statement on Youth Cooperationను ఆమోదించడం జరుగుతుంది.

ప్రాముఖ్యత

• భారత్ నిర్వహిస్తున్న ఈ BRICS యువజన కార్యక్రమాలు యువత భాగస్వామ్యం, ఆవిష్కరణలు, పారిశ్రామికత, సమ్మిళిత అభివృద్ధి, సుస్థిరత మరియు ప్రజల మధ్య సంబంధాలను మరింత బలోపేతం చేయడంలో కీలక పాత్ర పోషించనున్నాయి.

పరీక్షల కోసం ముఖ్యాంశం:
📌 BRICS అధ్యక్షత – భారత్, 2026
📌 థీమ్ – Building for Resilience, Innovation, Cooperation and Sustainability
📌 Youth Council Meeting & Youth Summit – 19–20 ఆగస్టు 2026, గాంధీనగర్
📌 Youth Ministers’ Meeting – 22 ఆగస్టు 2026, విశాఖపట్నం
📌 నిర్వహణ – యువజన వ్యవహారాల శాఖ, యువజన వ్యవహారాలు మరియు క్రీడల మంత్రిత్వ శాఖ, భారత ప్రభుత్వం

02. రాజస్థాన్‌కు PMAY-G కింద 2.89 లక్షల పక్కా ఇళ్లు

• కేంద్ర వ్యవసాయ మరియు రైతు సంక్షేమ శాఖ మంత్రి శ్రీ శివరాజ్ సింగ్ చౌహాన్ రాజస్థాన్‌లో ప్రధానమంత్రి ఆవాస్ యోజన–గ్రామీణ్ (PMAY-G) కింద ₹3,473 కోట్ల విలువైన 2.89 లక్షల పక్కా ఇళ్లను లబ్ధిదారులకు అందజేశారు.

• వ్యవసాయ అభివృద్ధికి ₹340.59 కోట్లు

• వ్యవసాయ అభివృద్ధి మరియు PM-RKVY కింద రాజస్థాన్‌కు ₹340.59 కోట్లు మంజూరు చేశారు. ఈ మేరకు కేంద్ర మంత్రి, రాజస్థాన్ ముఖ్యమంత్రి శ్రీ భజన్ లాల్ శర్మకు మంజూరు పత్రాన్ని అందజేశారు.

PMAY-Gలో కొత్త లబ్ధిదారుల సర్వే

• రాజస్థాన్‌లో PMAY-G కింద 29.13 లక్షల మంది కొత్త లబ్ధిదారులపై సర్వే నిర్వహించారు. భౌతిక ధృవీకరణ పూర్తయిన తర్వాత మరిన్ని ఇళ్లకు మంజూరు ఇవ్వనున్నట్లు శివరాజ్ సింగ్ చౌహాన్ తెలిపారు.

PMAY-G అర్హత నిబంధనల్లో కీలక మార్పులు

ప్రభుత్వం PMAY-G అర్హత ప్రమాణాల్లో మార్పులు చేసింది.

 ఇకపై:

• టూ-వీలర్ ఉన్నవారు

• నెలకు ₹15,000 వరకు సంపాదించే మహిళలు

• చిన్న రైతులు

• కూడా నిర్దేశిత ఇతర ప్రమాణాలను పూర్తి చేస్తే గృహ నిర్మాణ సహాయం పొందేందుకు అర్హులు కావచ్చు.

• రాజస్థాన్‌లో ‘లఖ్‌పతి దీదీ’ లక్ష్యం 32 లక్షలు

• “ఏ మహిళ కూడా పేదగా మిగిలిపోకూడదు” అనే లక్ష్యంతో రాజస్థాన్‌లో లఖ్‌పతి దీదీ లక్ష్యాన్ని 32 లక్షలకు పెంచినట్లు శివరాజ్ సింగ్ చౌహాన్ ప్రకటించారు.

Viksit Bharat-G RAM G Yojana

• రాజస్థాన్‌కు ₹12,000 కోట్ల లక్ష్యం నిర్దేశించినట్లు తెలిపారు. గ్రామ పంచాయతీలు అభివృద్ధి కార్యక్రమాలకు ప్రధాన చోదక శక్తిగా పనిచేయనున్నాయి. ప్రతి పంచాయతీకి సంవత్సరానికి ₹80 లక్షల అభివృద్ధి లక్ష్యం ఉండేలా ప్రణాళిక రూపొందించనున్నట్లు పేర్కొన్నారు.

📌 పరీక్షలకు ముఖ్యాంశాలు

PMAY-G ఇళ్లు: 2.89 లక్షలు

ఇళ్ల విలువ: ₹3,473 కోట్లు

కొత్త లబ్ధిదారుల సర్వే: 29.13 లక్షలు

వ్యవసాయ అభివృద్ధి & PM-RKVY: ₹340.59 కోట్లు

లఖ్‌పతి దీదీ లక్ష్యం: 32 లక్షలు

03. కౌశల్ మంథాస్ ప్రాంతీయ సదస్స

ప్రదేశం : కలకత్తా

తేదీ : 17 ఆగస్ట్ 2026

మంత్రిత్వ శాఖ : కేంద్ర నైపుణ్యాభివృద్ధి, వ్యవస్థాపకత మంత్రిత్వ శాఖ (MSDE)

ముఖ్య ఉద్దేశం : కేంద్ర-రాష్ట్రాల సమన్వయాన్ని బలోపేతం చేయడం, పరిశ్రమల అవసరాలకు అనుగుణంగా నైపుణ్య వ్యవస్థను రూపొందించడం

అధ్యక్షుడు : కేంద్ర మంత్రి శ్రీ జయంత్ చౌదరి

⚙️ కీలక విధానాలు & ముఖ్యాంశాలు

• PM-SETU సంస్కరణలు: ఐటీఐల సమగ్ర ఆధునీకరణ కోసం ‘ప్రధాన మంత్రి స్కిల్లింగ్ అండ్ ఎంప్లాయబిలిటీ ట్రాన్స్‌ఫార్మేషన్ త్రూ అప్‌గ్రేడెడ్ ఐటీఐస్’ (PM-SETU) పథకాన్ని అమలు చేయడం.
• పరిశ్రమలతో ఐటీఐల అనుసంధానం: ఇండస్ట్రియల్ కారిడార్లు, సూక్ష్మ, చిన్న, మధ్యతరహా పరిశ్రమల (MSME) హబ్‌లు, మరియు సరికొత్త సాంకేతికతలకు అనుగుణంగా ఐటీఐ క్లస్టర్లను అభివృద్ధి చేయడం.
• వికేంద్రీకృత ప్రణాళిక: పెట్టుబడులను సరైన దిశలో పెట్టేందుకు జిల్లా మరియు రాష్ట్ర స్థాయిల్లో ప్రత్యేక నైపుణ్య ప్రణాళికలను సిద్ధం చేయడం.
• గ్లోబల్ వర్క్‌ఫోర్స్ మొబిలిటీ: అంతర్జాతీయంగా కేర్‌గివింగ్ (సంరక్షణ) మరియు సాంకేతిక రంగాలలో ఉన్న ఉద్యోగ అవకాశాల కోసం ప్రత్యేక శిక్షణా కార్యక్రమాలను రూపొందించడం.

🤝 ప్రాంతీయ భాగస్వామ్యాలు & ఒప్పందాలు

• రాష్ట్రాల భాగస్వామ్యం: పశ్చిమ బెంగాల్, గుజరాత్, మహారాష్ట్ర వంటి పలు రాష్ట్రాల ప్రతినిధులు ఈ రౌండ్‌టేబుల్ చర్చల్లో పాల్గొన్నారు.
• అంతర్జాతీయ నైపుణ్యాభివృద్ధి: సోషల్ స్టాక్ ఎక్స్ఛేంజ్ ద్వారా ఓబీసీ (OBC) యువతకు అంతర్జాతీయ శిక్షణ నిధుల కోసం NSDC మరియు మధ్యప్రదేశ్ మధ్య ఒప్పందం కుదిరింది.
• ప్రధాన రంగాలు: జపాన్, జర్మనీ వంటి దేశాలలో డిమాండ్ ఉన్న హాస్పిటాలిటీ మరియు ఉత్పాదక (Manufacturing) రంగాలపై ప్రత్యేకంగా దృష్టి సారించారు.

04. ఆత్మనిర్భర్ భారత్: రక్షణ రంగంలో 405 కీలక వస్తువులకు దేశీయ ఉత్పత్తి ప్రోత్సాహం

భారత రక్షణ ఉత్పత్తి శాఖ (DDP), రక్షణ మంత్రిత్వ శాఖ 6వ Positive Indigenisation List (PIL) ను ప్రకటించింది.

మొత్తం వస్తువులు : 405

భారత కోస్ట్ గార్డ్ (ICG): 16

రక్షణ రంగ ప్రభుత్వ సంస్థలు (DPSUs): 389

• వీటిలో LRUs, సబ్-సిస్టమ్స్, స్పేర్స్, కాంపోనెంట్స్, ముడి పదార్థాలు ఉన్నాయి.

• Su-30MKI, LCA, AL-31FP ఇంజిన్, ALH, LUH వంటి వైమానిక ప్లాట్‌ఫారాలు ఇందులో ఉన్నాయి.

• T-72, T-90, BMP-II వంటి ఆర్మర్డ్ ప్లాట్‌ఫారాలు కూడా ఉన్నాయి.

• యుద్ధనౌకలు, Konkurs-M, Invar, MRSAM వంటి క్షిపణి వ్యవస్థలకు సంబంధించిన వస్తువులు ఉన్నాయి.

• రాడార్లు, సోనార్లు, ఫైర్ కంట్రోల్ సిస్టమ్స్, శాటిలైట్ కమ్యూనికేషన్ వ్యవస్థలకు సంబంధించిన రక్షణ ఎలక్ట్రానిక్స్ కూడా ఉన్నాయి.

• High Explosive Anti-Tank (HEAT) ammunition వంటి కీలక రక్షణ పరికరాలు ఉన్నాయి.

• ఈ వస్తువుల పూర్తి జాబితాను SRIJAN Defence Portalలో అందుబాటులో ఉంచారు. ప్రతి వస్తువుకు దేశీయంగా అభివృద్ధి చేయాల్సిన సూచిత గడువు ఉంటుంది. విజయవంతంగా దేశీయంగా అభివృద్ధి చేసిన తర్వాత వాటిని భారతీయ పరిశ్రమల నుంచే కొనుగోలు చేస్తారు.

MSMEs, స్టార్టప్‌లు, ఇతర భారతీయ పరిశ్రమలు ఈ ప్రక్రియలో ముఖ్య పాత్ర పోషించనున్నాయి.

SRUJAN PORTAL :

ఆగస్టు 2020లో SRIJAN Defence Portalను ప్రారంభించింది. జూన్ 2026 వరకు DPSUs, Service Headquarters ద్వారా 33,000కు పైగా రక్షణ వస్తువులను దేశీయీకరణ కోసం పరిశ్రమలకు అందించారు.

• మొదటి 5 PILల్లో: 5,012 వస్తువులు

• విజయవంతంగా దేశీయీకరించిన వస్తువులు: 15,700కు పైగా

• గత 5 సంవత్సరాల్లో అంచనా దిగుమతి ప్రత్యామ్నాయ విలువ: ₹9,000 కోట్లు

• మార్చి 2026 వరకు దేశీయ విక్రేతలకు DPSUs ఇచ్చిన ఆర్డర్లు: సుమారు ₹10,000 కోట్లు

05. NCC ‘అపరాజిత – పారాంగ్ లా 2026’ ఆల్ ఇండియా బాలికల హై ఆల్టిట్యూడ్ లాంగ్ ట్రెక్‌

• రక్షణ మంత్రి శ్రీ రాజ్‌నాథ్ సింగ్ 2026 ఆగస్టు 18న న్యూఢిల్లీలో జరిగిన కార్యక్రమంలో నేషనల్ క్యాడెట్ కార్ప్స్ (NCC) ఆధ్వర్యంలోని ఆల్ ఇండియా బాలికల హై ఆల్టిట్యూడ్ లాంగ్ ట్రెక్ **‘అపరాజిత – పారాంగ్ లా 2026’**ను జెండా ఊపి ప్రారంభించారు.
• ఈ ట్రెక్ హిమాచల్ ప్రదేశ్‌లోని స్పితి వ్యాలీని లడఖ్‌లోని చాంగ్‌థాంగ్ ప్రాంతంతో కలిపే పారాంగ్ లా పాస్ మీదుగా సాగుతుంది. 5,578 మీటర్లు (18,300 అడుగులు) ఎత్తులో ఉన్న పారాంగ్ లా దేశంలోని అత్యంత క్లిష్టమైన హై-ఆల్టిట్యూడ్ ట్రెక్కింగ్ మార్గాల్లో ఒకటిగా పరిగణించబడుతుంది.

28 మంది బాలికా క్యాడెట్లు

ఈ యాత్రకు మూడు సాయుధ దళాలకు చెందిన ముగ్గురు మహిళా అధికారులు నాయకత్వం వహిస్తున్నారు.

• పాల్గొంటున్న బాలికా క్యాడెట్లు: 28 మంది
• సగటు వయస్సు: 19 సంవత్సరాలు
• అత్యంత చిన్న వయస్సు గల క్యాడెట్: 16½ సంవత్సరాలు
• ట్రెక్ దూరం: సుమారు 250 కి.మీ
• వ్యవధి: 30 రోజులు

ట్రెక్ మార్గం

ఈ యాత్రలో క్యాడెట్లు హిమాలయాల్లోని అత్యంత మారుమూల, సవాళ్లతో కూడిన ప్రాంతాల గుండా ప్రయాణిస్తారు.

నారీ శక్తి’ – ‘ఏక్ భారత్, శ్రేష్ఠ భారత్’

భూమి, నీరు, గగనతలంలో NCC క్యాడెట్లు సాధిస్తున్న విజయాలను రాజ్‌నాథ్ సింగ్ ప్రశంసించారు.

• దేశంలోని వివిధ NCC డైరెక్టరేట్ల నుంచి వచ్చిన బాలికా క్యాడెట్లు వివిధ భాషలు, సంస్కృతులు, నేపథ్యాలకు చెందినప్పటికీ ఒకే లక్ష్యంతో కలిసి పనిచేయడం ‘ఏక్ భారత్, శ్రేష్ఠ భారత్’ స్ఫూర్తికి ప్రతీకగా నిలుస్తుందని ఆయన పేర్కొన్నారు.

రెండు దశల్లో యాత్ర

ఈ యాత్రను రెండు దశల్లో నిర్వహిస్తున్నారు.

• మొదట భాబా–పిన్ వ్యాలీ ప్రాంతంలో సన్నాహక మరియు ఎత్తుకు అలవాటు పడే (acclimatisation) ట్రెక్ నిర్వహించారు. అనంతరం ప్రతిభ ఆధారంగా తుది NCC బాలికా క్యాడెట్ల బృందాన్ని ఎంపిక చేశారు.

ఈ యాత్ర ప్రధానంగా NCC బాలికా క్యాడెట్లలో నారీ శక్తి, నాయకత్వం, ఆత్మవిశ్వాసం, టీమ్‌వర్క్, సహనశక్తి మరియు జాతీయ సమైక్యతను ప్రోత్సహించేందుకు రూపొందించబడింది.

05. UIDAI ప్రత్యేక డ్రైవ్: పాఠశాల పిల్లలకు ఆధార్ బయోమెట్రిక్

• 2 కోట్లకు పైగా Mandatory Biometric Updates (MBU) పూర్తయ్యాయి.
• దేశవ్యాప్తంగా 1.56 లక్షలకు పైగా పాఠశాలలు ఈ డ్రైవ్ పరిధిలోకి వచ్చాయి.
• ఈ ప్రత్యేక డ్రైవ్‌ను సెప్టెంబర్ 2025లో ప్రారంభించారు.
• UIDAI, రాష్ట్ర/కేంద్రపాలిత ప్రాంతాల విద్యాశాఖల సమన్వయంతో పాఠశాల స్థాయిలో ప్రత్యేక శిబిరాలు నిర్వహించారు.
• పాఠశాలల్లోనే బయోమెట్రిక్ అప్‌డేట్ చేసుకునే అవకాశం కల్పించడం ద్వారా ఈ సేవను విద్యార్థులకు మరింత సులభంగా అందుబాటులోకి తీసుకువచ్చారు.

పిల్లలకు బయోమెట్రిక్ అప్‌డేట్ ఎందుకు అవసరం?

5 సంవత్సరాల లోపు పిల్లలకు ఆధార్ నమోదు సమయంలో జనాభా సంబంధిత వివరాలు, ఫొటో మాత్రమే తీసుకుంటారు. ఆ వయస్సులో వేలిముద్రలు, ఐరిస్ బయోమెట్రిక్స్ ఇంకా అభివృద్ధి చెందుతున్నందున వాటిని నమోదు చేయరు.

పిల్లల ఆధార్‌లో బయోమెట్రిక్ వివరాలు తాజాగా ఉండేలా Mandatory Biometric Update (MBU) ఉపయోగపడుతుంది.

MBU ఎప్పుడు చేయాలి?

పిల్లలకు:

• 5 సంవత్సరాల వయస్సులో ఒకసారి
• 15 సంవత్సరాల వయస్సులో మరోసారి

MBU చేయాల్సి ఉంటుంది.

సకాలంలో MBU పూర్తి చేయడం వల్ల పాఠశాల, ఉన్నత విద్య సమయంలో ఆధార్ ఆధారిత ధృవీకరణ ప్రక్రియ సులభంగా ఉంటుంది.

06.  దేశంలో తొలి వర్చువల్ జూ

• మధ్యప్రదేశ్‌లోని ఇండోర్‌ కమీలా నెహ్రూ ప్రాణి సంగ్రహాలయంలో ‘వర్చువల్ జూ’ను ముఖ్యమంత్రి మోహన్ యాదవ్ ప్రారంభించారు. రాష్ట్ర ప్రభుత్వ ప్రకారం, ఈ తరహా వర్చువల్ జూ దేశంలో ఇదే తొలిసారి.
• అధునిక వర్చువల్ టెక్నాలజీ ద్వారా సందర్శకులకు వన్యప్రాణులు, సహజ ఆవాసాలను ప్రత్యక్షంగా చూస్తున్నట్టుగా అనుభూతి కల్పించడం దీని ప్రత్యేకత. దీంతో పాటు 14వ తేదీన సినిమా థియేటర్, వర్చువల్ జంగిల్ సఫారీని కూడా ముఖ్యమంత్రి ప్రారంభించారు.
• ఈ సదుపాయాలను పబ్లిక్–ప్రైవేట్ పార్ట్‌నర్‌షిప్ (పీపీపీ) మోడల్‌లో అభివృద్ధి చేశారు.
• వన్యప్రాణులపై విద్య, సంరక్షణ అవగాహన, డిజిటల్ అనుభూతిని ఒకే వేదికపై సందర్శకులకు అందించడం వర్చువల్ జంగిల్ సఫారీ ప్రధాన లక్ష్యం.

07.  ‘సుంగల్ టన్నెల్’ ప్రారంభం

• జమ్మూ కశ్మీర్‌లోని జమ్మూ–పూంచ్ జాతీయ రహదారిపై నిర్మించిన ‘సుంగల్ టన్నెల్’ను ప్రజల రాకపోకలకు అందుబాటులోకి తీసుకువచ్చారు. దీనివల్ల రాజౌరి, పూంచ్, నౌషెరా ప్రాంతాలకు కనెక్టివిటీ గణనీయంగా మెరుగుపడనుంది. ప్రస్తుతం ఉన్న జమ్మూ–పూంచ్ మార్గంలోని క్లిష్టమైన, మలుపులతో కూడిన రహదారి భాగాన్ని ఈ టన్నెల్ ద్వారా దాటవేయవచ్చు. దీనివల్ల ప్రయాణ దూరం సుమారు 13 కిలోమీటర్లు తగ్గడంతో పాటు ప్రయాణ సమయం, ఇంధనం ఆదా అవుతాయి.
• 2.79 కిలోమీటర్ల పొడవైన ఈ టన్నెల్‌ను బోర్డర్ రోడ్స్ ఆర్గనైజేషన్ (బీఆర్వో) కారిడార్ పరిధిలో నిర్మించింది.
• ఈ ప్రాజెక్టు జమ్మూ కశ్మీర్‌లో ఆల్-వెదర్ కనెక్టివిటీ, ప్రజల, సరకుల రవాణాను మెరుగుపరుస్తుంది.

సుంగల్ టన్నెల్

• స్థానం: జమ్మూ–పూంచ్ జాతీయ రహదారి, జమ్మూ కశ్మీర్
• పొడవు: 2.79 కి.మీ.
• ముఖ్య రహదారి: కారిడార్ రోడ్
• నిర్మించిన సంస్థ: బోర్డర్ రోడ్స్ ఆర్గనైజేషన్

08. 8 అభివృద్ధి ప్రాజెక్టులకు భారత్–నేపాల్ ఒప్పందాలు

• నేపాల్‌లో 8కు పైగా ఇంపాక్ట్ కమ్యూనిటీ డెవలప్‌మెంట్ ప్రాజెక్ట్‌ (హెచ్‌సీడీపీలు) అమలు కోసం భారత్–నేపాల్ 2026 ఆగస్టులో అవగాహన ఒప్పందాలు (ఎంఓయూలు) కుదుర్చుకున్నాయి. వీటి మొత్తం అంచనా వ్యయం 803 మిలియన్ నేపాలీ రూపాయలు.
• ఈ ప్రాజెక్టులకు భారత ప్రభుత్వం గ్రాంట్ అసిస్టెన్స్ అందిస్తోంది. ప్రధానంగా విద్య, ఆరోగ్యం, త్రాగునీరు, డిజిటల్ ట్రాన్స్‌ఫర్మేషన్ రంగాలపై దృష్టి సారించనున్నారు.
• భక్తపూర్‌లోని భారత రాయబార కార్యాలయం, నేపాల్ ప్రభుత్వ సంబంధిత మంత్రిత్వ శాఖలు, ఆయా ప్రాజెక్ట్ ఇంప్లిమెంటింగ్ ఏజెన్సీలు ఈ ఒప్పందాలపై సంతకాలు చేశాయి. మొత్తం నాలుగు ప్రావిన్సుల్లోని 7 జిల్లాల్లో స్థానిక ప్రభుత్వ సంస్థల ద్వారా ఈ ఎనిమిది ప్రాజెక్టులను అమలు చేయనున్నారు.
• ప్రధాన ప్రాజెక్టుల్లో బి.పి. కొయిరాలా ఇన్‌స్టిట్యూట్ ఆఫ్ హెల్త్ సైన్సెస్ డిజిటలైజేషన్, 10 పడకలు, 15 పడకల ఆసుపత్రుల నిర్మాణం, బెల్‌బారి మున్సిపల్ క్యాంపస్ భవన నిర్మాణం ఉన్నాయి.
• వ్యవసాయ రంగంలో ప్రొడక్షన్ సెంటర్లు, లైవ్‌స్టాక్ సెంటర్లు, వ్యవసాయ ప్రోత్సాహక మౌలిక సదుపాయాలు, కోల్డ్ స్టోరేజ్ యూనిట్లను ఏర్పాటు చేయనున్నారు.
• ఈ ప్రాజెక్టులు ఇండియా–నేపాల్ డెవలప్‌మెంట్ పార్ట్‌నర్‌షిప్‌లో భాగంగా స్థానిక అవసరాలకు అనుగుణంగా క్షేత్రస్థాయి అభివృద్ధిని ప్రోత్సహించనున్నాయి.

09. సైబర్ కుస్తీ–2026’ సైబర్ సెక్యూరిటీ

• మినిస్ట్రీ ఆఫ్ ఎలక్ట్రానిక్స్ అండ్ ఇన్ఫర్మేషన్ టెక్నాలజీ పరిధిలోని నేషనల్ ఇన్‌స్టిట్యూట్ ఆఫ్ ఎలక్ట్రానిక్స్ అండ్ ఇన్ఫర్మేషన్ టెక్నాలజీ (ఎన్‌ఐఈఎల్‌ఐటీ) 2026 ఆగస్టు 15న ‘సైబర్ కుష్టి–2026’ను ప్రారంభించింది.
• సైబర్ కుష్టి–2026 అనేది సైబర్ సెక్యూరిటీ, ఆర్టిఫిషియల్ ఇంటెలిజెన్స్ (ఏఐ)పై నిర్వహించే జాతీయ స్థాయి కార్యక్రమం. సైబర్ సెక్యూరిటీలో నైపుణ్య నిరంతర సామర్థ్యాన్ని పెంపొందించడం దీని ప్రధాన లక్ష్యం.
• ఇది నేషనల్ కాన్ఫరెన్స్ ఆన్ సైబర్ సెక్యూరిటీ, డిజిటల్ ఫోరెన్సిక్స్ అండ్ ఇన్ఫర్మేషన్ సెక్యూరిటీ–2026కు అధికారిక టెక్నికల్ ట్రాక్‌గా నిర్వహిస్తున్నారు.

10. ఆపరేషన్ నన్హే ఫరిష్తే’

• రైల్వే ప్రొటెక్షన్ ఫోర్స్ (ఆర్‌పీఎఫ్) ‘ఆపరేషన్ నన్హే ఫరిష్తే’ కింద 2026 జనవరి నుంచి జూలై మధ్య తప్పిపోయిన లేదా కుటుంబాల నుంచి విడిపోయిన చిన్నారులను రక్షించి వారి కుటుంబాలకు చేర్చింది.
• ఆపరేషన్ నన్హే ఫరిష్తే ప్రధానంగా రైల్వే ప్లాట్‌ఫారమ్‌లు, కటుంబాల నుంచి విడిపోయిన లేదా ప్రమాదకర పరిస్థితుల్లో ఉన్న చిన్నారులను గుర్తించి, రక్షించేందుకు ఆర్‌పీఎఫ్ చేపట్టిన కార్యక్రమం.
• రక్షించిన చిన్నారులను నిర్దేశిత చైల్డ్ ప్రొటెక్షన్ వ్యవస్థ ద్వారా సురక్షితంగా కుటుంబాలకు చేర్చడం లేదా పునరావాసం కల్పించడం జరుగుతుంది.
• రైల్వే స్టేషన్ లేదా రైళ్లలో ఒంటరిగా ఉన్న లేదా కుటుంబం నుంచి విడిపోయిన చిన్నారి కనిపిస్తే ఆర్‌పీఎఫ్ లేదా రైల్వే సిబ్బందికి సమాచారం అందించాలి. చిన్నారుల భద్రతకు సంబంధించి సహాయం కోసం ఇండియన్ రైల్వేస్ హెల్ప్‌లైన్ 139ను కూడా సంప్రదించవచ్చు.

11. హవాయి దీవులను తాకిన Hurricane Lala

• Hurricane Lala ఆగస్టు 2026లో Category 1 Hurricaneగా మారింది.
• ఇది హవాయి రాష్ట్రంలోని Big Islandతో సహా సముద్ర తీర ప్రాంతంలో తీవ్ర ప్రభావాన్ని చూపింది.
• గరిష్ఠంగా 75 mph వేగంతో నిరంతర గాలులు వీచాయి.

12. BHEL – Hystar AS భాగస్వామ్యం

• ఆగస్టు 2026లో, భారత ప్రభుత్వ రంగ సంస్థ Bharat Heavy Electricals Limited (BHEL) మరియు నార్వేకు చెందిన Hystar AS సంస్థలు హరిత హైడ్రోజన్ రంగంలో భాగస్వామ్యం ఏర్పాటు చేసుకున్నాయి.
• భారత్‌లో Green Hydrogen Projects కోసం Proton Exchange Membrane (PEM) Electrolyser Systemsను దేశీయంగా స్వదేశీకరించి, దేశీయంగా తయారు చేయడం ఈ భాగస్వామ్యం ప్రధాన లక్ష్యం.

13.  L&T – భారతదేశపు అతిపెద్ద NVIDIA B300 AI ఫ్యాక్టరీ

• ఆగస్టు 2026లో, Larsen & Toubro (L&T) సంస్థ భారతదేశంలో అతిపెద్ద సింగిల్-క్లస్టర్ NVIDIA B300 AI Factoryను ఏర్పాటు చేయడానికి భారీ ఆర్డర్‌ను పొందింది.
• ఈ ప్రాజెక్టును L&Tకి చెందిన LTN Compute (AI Infrastructure విభాగం) మరియు Vyoma.AI (Data Centre Business) కలిసి చేపట్టనున్నాయి.
• ఈ AI ఫ్యాక్టరీ కోసం, తమిళనాడులోని Vyoma.AI డేటా సెంటర్ క్యాంపస్‌లో ఏర్పాటు చేయనున్నారు.
• ఈ ప్రాజెక్టు విలువ సుమారు ₹10,000–15,000 కోట్లు.
• ఈ ఆర్డర్‌ను అమెరికాకు చెందిన Together AI (Together Computer, Inc.) కోసం అమలు చేయనున్నారు.

14. HAL – Su-30MKI ఉత్పత్తి లైన్ పునఃప్రారంభం

• Hindustan Aeronautics Limited (HAL) మహారాష్ట్రలోని నాసిక్ కేంద్రంలో Su-30MKI యుద్ధ విమానాల ఉత్పత్తి లైన్‌ను తిరిగి ప్రారంభించింది.
• ఈ ఉత్పత్తి లైన్‌ను భారత వైమానిక దళం (IAF) కోసం పునరుద్ధరించారు.
• HAL మొత్తం 12 కొత్త Su-30MKI యుద్ధ విమానాలను తయారు చేయనుంది.
• వీటి డెలివరీలు 2029 వరకు కొనసాగనున్నాయి.
• మొదటి విమానం 2027–28లో అందుబాటులోకి వచ్చే అవకాశం ఉంది.

15. లడక్ లో కుక్కల నియంత్రణ చర్యలు

• Black-Necked Crane మరియు వాటి పిల్లలపై విష/నష్టకర ప్రభావం కలిగే కుక్కల దాడులను తగ్గించేందుకు చర్యలు చేపట్టారు.
• Bombay Natural History Society (BNHS), Indian Army మరియు స్థానిక అధికారులతో కలిసి ఈ కార్యక్రమాన్ని నిర్వహిస్తోంది.
• 2022 నుంచి లడఖ్‌లో 2,950కు పైగా free-ranging dogsను sterilize చేశారు.
• దీని ప్రధాన ఉద్దేశ్యం Black-Necked Crane మరియు వాటి పిల్లలను కుక్కల వేట నుంచి రక్షించడం.

16. పాకిస్తాన్‌ తొలి చంద్ర రోవర్ – జిన్నా 1

• దీనికి పాకిస్తాన్ జాతీయ అంతరిక్ష సంస్థ SUPARCO (Space and Upper Atmosphere Research Commission) పేరు పెట్టింది.
• జిన్‌నాన్-1ను 2029లో చైనా యొక్క Chang’e-8 మిషన్ ద్వారా చంద్రుడిపైకి పంపించేందుకు ప్రణాళిక రూపొందించారు.
• ఈ రోవర్ **చంద్రుడి దక్షిణ ధ్రువ ప్రాంతం (South Polar Region)**లో ల్యాండ్ అయ్యేలా రూపొందిస్తున్నారు.

17. భారత్ – ప్రపంచంలోనే అగ్రశ్రేణి Ship Recycling దేశం